მსოფლიოში ცნობილი იტალიელი ტენორი ლუკა მინელი თბილისში მუსიკის მოყვარულებს თავისი საოცარი ხმით, დახვეწილი შესრულებითა და დამატყვევებელი სასცენო ხიბლით შეხვდება! ვენეციის ერთ-ერთ „ოქროსხმიან“ მომღერლად წოდებული ლუკა მინელი სცენაზე თავის ბენდთან ერთად გამოვა და მაყურებელს კლასიკური შედევრებიდან იტალიური პოპულარული მელოდიების ჩათვლით მდიდარ რეპერტუარს წარუდგენს. 🎶

ლუკა მინელის საერთაშორისო აღიარებას განსაკუთრებული წვლილი შეიტანა თანამშრომლობამ მუსიკის ორ დიდ ვარსკვლავთან — ბრაიან მეისთან, ლეგენდარულ გიტარისტთან და ჯგუფ Queen-ის თანადამფუძნებელთან, და კერი ელისთან, ლონდონის West End-ისა და ბროდვეის ცნობილ მსახიობ-მომღერალთან. სამეულმა ერთად ჩაწერა ლუკა მინელის სადებიუტო სინგლი „Forever and Ever With You“, რომელშიც ბრაიან მეიმ როგორც გიტარაზე დაუკრა, ასევე თანაპროდიუსერადაც გამოვიდა. სიმფონიური, საოპერო და როკ-ჟღერადობის ეს იშვიათი შერწყმა მთელი მსოფლიოს ყურადღების ცენტრში მოექცა და მინელის ბრწყინვალე კარიერაში ერთ-ერთ ყველაზე მნიშვნელოვან მომენტად იქცა.

ამ განსაკუთრებულ საღამოს გელით საოცარი ატმოსფერო — გულის ამაჩუყებელი არიები, ცნობილი კინოსაუნდტრეკები და რომანტიკული იტალიური სიმღერები.